ឯកឧត្តម ម៉ាន់ ឈឿន អនុប្រធានក្រុមសមាជិកព្រឹទ្ធសភាប្រចាំភូមិភាគ១ អញ្ជើញចូលរួមជាកិត្តិយស ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌសែនសុខ អណត្តិទី៤
នៅព្រឹកថ្ងៃទី១៨ ខែកញ្ញា ឆ្នាំ២០២៤ ដោយបានការអនុញ្ញាតដ៏ខ្ពង់ខ្ពស់ពី ឯកឧត្តម ប្រាក់ សុខុន ប្រធានស្ដីទីព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១ បានចាត់ឲ្យឯកឧត្តម ម៉ាន់ ឈឿន អនុប្រធានក្រុមសមាជិកព្រឹទ្ធសភាប្រចាំភូមិភាគ១ អញ្ជើញចូលរួមជាកិត្តិយស ក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌសែនសុខ អណត្តិទី៤ ឆ្នាំ២០២៤ នឹងមានអ្នកអញ្ជើញចូលរួមសរុបប្រមាណ៣៤១ នាក់ នៅអគាររស្មីបឹងកក់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ឆ្លៀតក្នុងឱកាសនេះ ឯកឧត្តម ម៉ាន់ ឈឿន បានផ្សព្វផ្សាយ និងលើកទឹកចិត្តឲ្យក្មួយៗនិងចៅៗជាយុវជន យុវនារីក្នុងគ្រួសារក្រីក្រ គ្រួសារងាយរងហានិភ័យ ក្នុងការរៀបចំបែបបទបានចូលរៀនក្នុងវគ្គបណ្តុះបណ្តាលជំនាញវិជ្ជាជីវៈឲ្យបានច្រើនថែមទៀតដើម្បីឈានទៅបង្កើនចំណូលក្នុងក្រុមគ្រួសារកាន់តែរីកចម្រើនឡើងបន្ថែមទៀត ។
